Чоколаден мус со малини

ЗА 8-10 ОСОБИ

35 МИНУТИ

Потребни состојки:
  • 1 паковка бисквити
  • 100 гр. путер
  • 2 лажици какао во прав
  • 2 лажици џем од малини
  • 25 мл. млеко
  • 125 мл. шлаг
  • 25 гр. путер (за мусот)
  • 225 гр. сецкана чоколада
  • 5 жолчки од јајца
  • 3 белки од јајца
  • 25 гр. шеќер

1. За основата: измелете ги бисквитите многу ситно, во блендер, а истовремено додадете ги какаото и 100 гр. путер. Добиената смеса истурете ја во калапот. Притискајте со лажица према долу, со цел да добиете рамномерна основа и ставете го калапот во фрижидер.

2. За чоколадниот мус: сварете го млекото и додадете го шлагот во прав. Сето тоа го истурате врз сецканата чоколада. Мешајте се додека чоколадото не се истопи. Потоа, додадете го внатре 25 грамскиот путер, измешајте добро и тргнете ја добиената смеса на страна.

3. Изматете ги белките од јајцата во засебен сад, а кога ќе почнат да растата, додадете го шеќерот. Потоа додадете ги жолчките и продолжете да мешате уште неколку секунди.

4. Измешајте околу 1/5 од смесата со јајца со претходно подготвениот чоколаден крем и додајте ги сите преостанати состојки и измешајте.

5. Со џемот од малини треба да ја премачкате основата, односно долниот дел од калапот на кој се наоѓа базата од бисквити (со тенок слој). Притоа, оставете 1 цм од рабовите без џем.

6. Конечно, истурете го чоколадниот мус во калапот и ставете го во замрзнувач околу 2-3 часа, со цел да се зацврсти. Украсете со малини и какао во прав.