Никулци – главни придобивки за вашето здравје

Веќе на сите ни е познато дека храната која можеме да ја црпиме од природата е база за здрава исхрана, а со тоа и за здрав живот. Често слушаме за храна со нула калории, а притоа да нуди максимална корист за нашето здравје. Таков тип на „зеленчук“ се всушност никулците. Македонските речници терминот „никулец“ го толкуваат како зачеток на растението, односно самиот почеток на појавување на стеблото од семето или коренот. Но веруваме дека тоа сите го знаете. Она што е најважно за никулците е нивната хранлива вредност, со оглед на тоа дека содржат високо концентрирани нутритивни придобивки. Полни се со витамини и минерали, а истовремено имаат ниска калорична вредност и богатство на растителни влакна, ензими, протеини и слично. Како такви, тие ќе го подобрат вашиот имунитет, дигестивниот систем, шеќерот во крвта и ќе придонесат за уште многу придобивки за вашето здравје, кои ќе ги разгледаме во продолжение.

Кој тип на растенија се погодни за ‘ртење?

Речиси од секое семе може да израстат никулци, се разбира, доколку семето е наменето за употреба во исхраната. Препорака е семињата да се набавуваат во продавниците за здрава исхрана, бидејќи во останатите непроверени продавници може да се случи истите да не се најздрави за јадење, бидејќи се обработени со разни хемии, што секако не се добри за човековиот организам. Најчесто споменувани производи за ‘ртење се: пченицата, сусамот, брокулата, грашокот, ротквиците, јачменот и пченката, бадемите, хељдата, руколата, целерот, копривата, магдоносот и слично.

Во продолжение, краток преглед на содржината и придобивките на некои од најчесто споменуваните типови на никулци:

НИКУЛЦИ ОД ПЧЕНКА – содржат бекловини, магнезиум, витамин Е и витамините од Б групата. Го поттикнуваат метаболизмот, го намалуваат стресот и се препорачуваат да се воведат во исхраната на деца и повозрасни луѓе.

НИКУЛЦИ ОД БРОКУЛА – содржат сулфурафан и други антиоксиданси, премногу витамини и минерали, а помагаат во лекувањето на некои видови на карцином и други заболувања.

НИКУЛЦИ ОД ГРАШОК – содржат белковини, компоненти кои обезбедуваат рамнотежа на организмот и одржуваат стабилно ниво на шеќер во организмот.

НИКУЛЦИ ОД ЛЕЌА – содржат белковини, цинк, фосфор, манган, селен, железо, витамини А, Б, Ц и Е. Делуваат како диуретик, а го зајакнуваат срцето и имунитетот.

Топ 8 придобивки од консумацијата на никулци

Генерално, никулците содржат значителна количина на протеини и диетални (растителни) влакна, како и витамин Ц, витамин A, тиамин, ниацин и слично. Во однос на минералите, содржат манган, бакар, цинк, магнезиум, железо и калциум. Истовремено тие се извор на ензими, кои се неопходна основа за здрав живот. Но, кои конкретно придобивки ги имаме од консумацијата на никулците?

1. Го подобруваат дигестивниот систем и варењето на храната
Ензимите кои се содржат во никулците помагаат за поттикнување на разните метаболички процеси, особено варењето на храната. Диеталните влакна на тој начин ги решаваат и проблемите со столицата.

2. Го забрзуваат метаболизмот
Како што веќе напоменавме, никулците содржат ензими кои и не се така достапни во другите типови на храна. Протеините кои ги содржат се особено корисни за одржување и подобрување на органите, регенерација на кожата, зацврстување на коските и развој на мускулите. Со други зборови, ја подобрува целокупната телесна функција и помага во развој на вашето тело.

3. Ја спречуваат појавата на анемија
Анемијата генерално е термин кој означува дефицит на железо. Доколку не консумирате доволно храна која е богата со железо, доаѓа до опаѓање на бројот на црвените крвни зрнца. Тоа резултира со замор, недостаток на концентрација, гадење и стомачни проблеми. На тој начин, никулците ја подобруваат циркулацијата во крвта и ги оптимизираат перформансите на клетките.

4. Помагаат во губењето на килограмите
Никулците имаат многу хранливи материи, но речиси нула калории. Тоа значи дека ќе може да ги консумирате без да се грижите за килограмите. Тие спречуваат да се ослободува хормонот грелин, кој е хормон за глад и покажува кога сме подготвени да внесеме храна.

5. Го подобруваат здравјето на срцето
Никулците се богати со омега 3 масни киселини, кои иако технички се вид на холестерол, тие спаѓаат во оној кој е познат како „добар“ HDL холестерол. Тие се анти-инфламаторни по природа, што значи ќе се намали штетниот холестерол во крвните садови и артериите и ќе се намали стресот на целиот кардиоваскуларен систем. Со тоа се намалува и згрутчувањето на крвта, шансите за срцев удар или мозочни удари.

6. Го подобруваат имунолошкиот систем
Никулците содржат витамин Ц, што ги прави моќни стимуланси и на белите крвни зрнца во телото кои се борат против инфкециите и болестите. Како што никулецот продолжува да никнува и да се развива, витаминот A се мултиплицира по речиси десет пати од оригиналната содржина, а знаеме дека тој има голем број на антиоксидативни својства, кои се одличен извор на сила за имунитетот.

7. Се грижат за видот
Витаминот А е поврзан и со подобрување на здравјето на видот. Имено, тој дејствува како антиоксидантно средство за заштита на очните клетки од слободните радикали. На тој начин, никулците помагаат во спречување на глаукомот, катарактата или макуларната дегенерација.

8. Ги намалуваат алергиските реакции
Некои видови на никулци, како што се на пример никулците од брокули, се поврзани со намалување на алергиските реакции, вклучувајќи ја и астмата.

Проценти на витамини и хранливи материи кои се содржат во порција никулци од брокули (85гр)

  • Витамин А
  • Витамин Ц
  • Железо
  • Калциум
  • Останати витамини

Се чини дека целата моќ на природата се населила во малите никулци, за подоцна да му дадат сила на растението и да израсне во здрава хранлива материја. Се смета дека никулците се најздрави кога се јадат сурови. Но сепак заради претпазливост, мора да напоменеме дека може да дојде да појава на бактериски болести и останати инфекции на огранизмот, доколку ги купувате од продавници кои не се специјализирани за здрава храна или останати реномирани извори. Бидете 100% убедени за начинот на одгледување, внимателно измиете ги и на тој начин го елиминирате секој ризик!

Топ 10 најпознати уметнички слики

Помеѓу милионите уметнички слики од признати уметници, прикажани во галериите и музеите ширум светот, постојат неколку кои се надигруваат со времето и создаваат историја. Оваа избрана листа на најпознати уметнички слики содржи дела кои се препознатливи за многу луѓе од целиот свет, од сите возрасти. Еве кои слики се дел од нашиот избор.

Continue reading

Зошто обувките од дизајнерот Кристијан Лубутан се толку скапи?

Кога на пазарот на луксузни обувки ќе се забележат високи потпетици или генерално обувки со црвена подлога на долниот дел, тогаш по автоматизам се знае за кој бренд и за кој дизајнер станува збор – Кристијан Лубутан. Станува збор за бренд кој е следен од страна на милиони луѓе, кои им се навраќаат на тие обувки повторно и повторно, па и покрај што тие чинат буквално едно мало богатство, постои причина зошто оние кои сакаат квалитет, го одбираат овој бренд.

Се прашувате зошто цената на еден пар високи потпетици или обувки чини стотици, а често и илјадници долари? Покрај позадинските трошоци за производство и употребата на скапи и луксузни материјали, високите потпетици на Лубутан се ултимативен симбол за статус! Токму затоа, тие се најчест таргет за познатите, јавни личности од целиот свет.

Обувките со заштитен знак во вид на црвена боја чинат од 695 долари, а најскапиот пар достигнува сума од околу 6000 долари. Идејата да се создадат обувки со црвена подлога, Кристијан ја добива во 1993 година, кога случајно забележал дека некоја вработена ги бојадисувала нејзините нокти во црвена боја. Тоа му се допаднало, па го позајмил шишенцето и набрзина создал  еден прототип на чевли, боејќи ја подлогата токму во црвена боја.

Во 2013-та година, The New York Times побара објаснување од Лубутан зошто неговите обувки се толку скапи. Тој најпрво одговара „Криви се трошоците за производство на навистина квалитетна обувка. Скапо е да се направат обувки во Европа.“ Од 2008-ма до 2013-та година, тој вели дека трошоците за производство на неговата компанија се зголемиле двојно, бидејќи еврото зајакнува во однос на доларот, а конкуренцијата за квалитетни материјали од фабриките во Азија значително се зголемува.

Дејвид Мескита е човекот со чија компанија директно соработува Лубутан, во однос на поправка на чевлите, повторно бојадисување или заменување на црвената подлога. Дејвид ќе каже дека постојат многу работи и еден комплетен процес кој влегува во дизајнот и изработката на обувките. Според него, најважно е кој го потпишува парчето, односно дизајнерот, потоа кој го произведува и секако, кои материјали се употребуваат. Клучно е и огромното внимание кое се посветува на деталите при изработката, без разлика дали станува збор за употреба на пердуви како додатоци, кристали или други егзотични материјали. На крај, потрошувачите го плаќаат и статусот кој го има дизајнерот и неговиот бренд во целина.

Во продолжение, погледнете го видето со овие, но и уште повеќе информации во врска со брендот Лубутан, кое е направено од страна на Business Insider:

7 трендови во 2019-та за уредување на ентериерот

Кога станува збор за совршеното уредување на домот, секој дизајнер ќе каже дека мебелот или ќе го разубави или ќе го уништи просторот. За целиот дом да биде подигнат на едно повисоко естетско ниво, важен е изборот на вистинските парчиња мебел.

Continue reading

Саем за мебел – Милано 2019

Саемот за мебел кој традиционално се одржува во Милано, градот кој се смета за база на модата во секоја смисла на зборот, оваа година го „доживува“ своето 58-мо издание. Почнувајќи од 09.04 па се до 14.04, саемот е во фокусот на вниманието, не само во Италија, туку и на интернационално ниво.

И оваа година се очекува да бидат изложени најновите и најуникатните достигнувања од областа на мебелот, од страна на најголемите светски брендови. Имено, овогодинешниот саем на мебел во Милано е поделен во три категории во однос на стилот:

  • Класика, која се базира на вредностите на традицијата и вештините во создавање на уметност од изработката на мебел или додатоци во класичен стил;
  • Дизајн, кој се одликува со парчиња мебел и генерално производи кои се одликуваат со големо чувство за стил, функционалност и иновации; и
  • Луксуз, кој е посветен на безвременските луксузни парчиња мебел, со модерна и современа компонента.

Секоја година, саемот е просечно посетен од повеќе од 370.000 посетители, од 188 различни земји. Секако, на саемот се изложени производи, потпишани од страна на најважните брендови, меѓународни уметници и дизајнери во светот. Дел од нив се и производите од брендовите кои може да ги најдете и во нашите продавници како: Doimo Salotti, Domitalia, Bonaldo, Pedrali, Stosa, Santa Lucia итн. Во продолжение погледнете дел од фотографиите со новитети и генерално што фирмите презентираат:

BONALDO

STOSA CUCINE

DOIMO SALOTTI

SANTA LUCIA

DOMITALIA

Гоџи бобинки – одлична храна за одличен организам!

Гоџи бобинките (или познати како Lycium barbarum) потекнуваат од Далечниот Исток и преставуваат тип на храна кој со векови наназад се употребувал во склоп на традиционалната кинеска медицина, но и во кулинарските специјалитети.

Continue reading

Скандинавски дизајн на дневна соба: инспирација и идеи

Скандинавската естетика е една од најатрактивните во последните неколку години и може да се примени во многу различни простории. Сепак, нејзината едноставност, природните елементи и функционалноста се особено идеални за уредувањето на дневната соба.

Continue reading

Зошто појадокот е најважниот оброк во денот?

Добро е познат податокот дека утринскиот оброк помага во стартување на вашиот метаболизам и согорување на калориите во текот на денот. Покрај тоа, добивате енергија која ви е потребна за да ги завршите секојдневните обврски.

Continue reading

12