Бенџамин Шајн и се спротивставува на гравитацијата со неговата најнова скулптура

Бенџамин Шајн е мултидисциплинарен британски уметник, кој стекнува признанија во модната индустрија благодарение на креациите кои ги изработува со помош на техника, која тој ја нарекува „сликање со ткаенина“.

Continue reading

Брачен пар кој ја замени лондонската уметничка сцена за едноставен живот во Грција

Австралиската авторка, фотограф и дизајнер Клер Лојд и нејзиниот партнер, британецот Метју Лаудер, во 2007 година тотално го напуштиле Лондон и уметничката сцена на која со години твореле, со цел да си обезбедат минималистички и едноставен живот. При потрага на новиот дом, го одбрале грчкиот остров Лесвос каде што го оствариле својот сон, создавајќи си дом од соништата.

Тие живеат во мала куќа која е типична за населението во таа област, велејќи дека се чувствуваат како дел од локалната заедница. Клер ќе каже дека одлуката ја донеле поради потреба за креативна работа, па ја купиле малата куќа со цел да ја уредат по свој вкус, но да го презентира духот на Грција.

Кога ја купиле куќата, забележале дека има заборавена градина во дворот, која е запуштена, но содржи две стари маслинови дрва, орев и дрво со смокви. Тие ја преуредиле истата, насадиле разни цвеќиња, оставајќи ги дрвата и на тој начин си создале сопствен мал рај во кој се разладуваат во топлите денови.

Едноставно, тие го трансформираат нечистиот и стар ентериер во прекрасни бели простории, кои се исполнети со сончева светлина, декорирани со ретки парчиња, кои се уникатни рачни изработки и разни пронајдоци од природата.

Ја задржале претходната тиркизна боја на куќата, но ја варосале целосно во бела боја, со што создале неодолива комбинација. Парот со уметничка душа ништо не фрлал – дури и отпадоците од дрвото, камчињата и школките, ги претворале во парче уметност. Разните ткаенини исто така биле искористени за создавање на уникатни комбинации кои доаѓале до израз во белиот простор.

Брачниот пар вели дека конечно креативноста ја користат на исправен начин, кој им создава уште поголема поврзаност со островот. Тие и понатаму сликаат, садат цвеќиња, одгледуваат билки, овошје и ја декорираат куќата создавајќи си мал рај за себе!

Топ 10 најпознати уметнички слики

Помеѓу милионите уметнички слики од признати уметници, прикажани во галериите и музеите ширум светот, постојат неколку кои се надигруваат со времето и создаваат историја. Оваа избрана листа на најпознати уметнички слики содржи дела кои се препознатливи за многу луѓе од целиот свет, од сите возрасти. Еве кои слики се дел од нашиот избор.

Continue reading

Зошто обувките од дизајнерот Кристијан Лубутан се толку скапи?

Кога на пазарот на луксузни обувки ќе се забележат високи потпетици или генерално обувки со црвена подлога на долниот дел, тогаш по автоматизам се знае за кој бренд и за кој дизајнер станува збор – Кристијан Лубутан. Станува збор за бренд кој е следен од страна на милиони луѓе, кои им се навраќаат на тие обувки повторно и повторно, па и покрај што тие чинат буквално едно мало богатство, постои причина зошто оние кои сакаат квалитет, го одбираат овој бренд.

Се прашувате зошто цената на еден пар високи потпетици или обувки чини стотици, а често и илјадници долари? Покрај позадинските трошоци за производство и употребата на скапи и луксузни материјали, високите потпетици на Лубутан се ултимативен симбол за статус! Токму затоа, тие се најчест таргет за познатите, јавни личности од целиот свет.

Обувките со заштитен знак во вид на црвена боја чинат од 695 долари, а најскапиот пар достигнува сума од околу 6000 долари. Идејата да се создадат обувки со црвена подлога, Кристијан ја добива во 1993 година, кога случајно забележал дека некоја вработена ги бојадисувала нејзините нокти во црвена боја. Тоа му се допаднало, па го позајмил шишенцето и набрзина создал  еден прототип на чевли, боејќи ја подлогата токму во црвена боја.

Во 2013-та година, The New York Times побара објаснување од Лубутан зошто неговите обувки се толку скапи. Тој најпрво одговара „Криви се трошоците за производство на навистина квалитетна обувка. Скапо е да се направат обувки во Европа.“ Од 2008-ма до 2013-та година, тој вели дека трошоците за производство на неговата компанија се зголемиле двојно, бидејќи еврото зајакнува во однос на доларот, а конкуренцијата за квалитетни материјали од фабриките во Азија значително се зголемува.

Дејвид Мескита е човекот со чија компанија директно соработува Лубутан, во однос на поправка на чевлите, повторно бојадисување или заменување на црвената подлога. Дејвид ќе каже дека постојат многу работи и еден комплетен процес кој влегува во дизајнот и изработката на обувките. Според него, најважно е кој го потпишува парчето, односно дизајнерот, потоа кој го произведува и секако, кои материјали се употребуваат. Клучно е и огромното внимание кое се посветува на деталите при изработката, без разлика дали станува збор за употреба на пердуви како додатоци, кристали или други егзотични материјали. На крај, потрошувачите го плаќаат и статусот кој го има дизајнерот и неговиот бренд во целина.

Во продолжение, погледнете го видето со овие, но и уште повеќе информации во врска со брендот Лубутан, кое е направено од страна на Business Insider:

Архитектурата низ делата на Антони Гауди

Барселона е добро позната дестинација за патниците кои сакаат да доживеат добра мешавина на забава и култура, во едно модерно окружување. Ќе отидете „таму или онаму“, но секаде ќе забележите непогрешливи ткаенини на архитектот, мајсторот Антони Гауди.

Continue reading

Бетонот како декор во ентериерите

Во архитектонските кругови, особено во периодот после Втората Светска Војна, бетонот претставувал симбол за новиот модернизам. Денес, се почесто неговиот изглед и текстура го сретнуваме во форма на декор и во ентериерите.

Continue reading