Организација: Алатки за уредна кујна

Недостатокот на организација во вашата кујна е прв причинител за усложнување на секојдневните активности, намалена брзина при нивното одвивање и ваша фрустрација за прекумерното време поминато во кујна.
Најчесто нередот не е предизвикан од големите садови за готвење туку од сите мали кујнски алатки, прибор за јадење и готвење, капаци, неуредно чувани зачини и предмети кои одамна не ги користите, а сепак ги немате отстрането.

Овие предизвици иако навидум делуваат комплексно за решавање, сепак со вистинските алатки може да се дојде до брзо, лесно и стилизирано решение.

  1. Прибор за јадење

Приборот за јадење поради неговата различност во големината на одделните делови може да претставува вистински предизвик во сегментирањето доколку истото не се прави во организери кои овозможуваат комплетно одделување на приборот по големина и форма.

Со помош на Blox и Duo модуларните организери не само што ќе може да одделите се во посебен сегмент, туку и ќе можете да ја организирате целата широчина на фиоката без загуба на простор користејќи ја можноста за модуларност.

2. Капаци од прибор за готвење

Не е реткост во кујната да имаме капаци од садови за готвење низ кои го пребаруваме вистинскиот при секое подготвување на ручекот. Овој проблем често се обидуваме да го решиме со поставување на капаците врз самите садови за готвење, но тогаш се соочуваме со огромна зафатнина од само еден сад и неможност за искористување на вертикалниот простор.

Kares ви нуди не само едно туку две исклучително едноставни решенија – држач за капаци кој го искористува вертикалниот простор во вашите кујнски ормари и универзален силиконски капак адекватен за различни големини на садови.

3. Зачини

Зачините вообичаено ги купуваме во разни садови или пластични кеси кои по отворањето делуваат неуредно и тешко се складираат. Со садовите од Kares за складирање зачини ќе имате можност не само уредно да ги складирате, туку и да ги заштитите од контаминација и инсекти, да го продолжите рокот на траење и да бидете сигурни дека секогаш ги добивате најдобрите вкусови и ароми.

Најчести грешки при работа во кујната

Готвењето дома претставува уживање, кое може да биде наградувачки потфат и доживотна потрага по совршените вкусови. Затоа, колку повеќе време и напор вложувате, толку е поголема веројатноста да ги намалите разочарувањата.

Без разлика колку сме вешти во кујната, секогаш учиме нешто ново, од тоа како да се исчисти некој кујнски елемент, па се до како да се подготви одредена храна, процес во кој се очекува правење и грешки.

Некои од почестите грешки што речиси сите ги правиме во кујната се:

  • Недоволно загревање на рерната: Иако силното загревањето не е секогаш неопходно, тоа е клучно за многу печива како торти и колачи. За да се загрее рерната целосно до 250 степени целзиусови, вообичаено се потребни 15-20 минути;
  • Не се прави проверка на внатрешната температура на храната што се подготвува: Ако сакате да бидете сигурни дека гостите на вечера не јадат речиси сирово пилешко месо кое штотуку го извадивте од скарата во дворот, користете термометар за инстант читање;
  • Недоволно се загрева тавата при пржење: Ова е најчестиот предизвикувач на растурени омлети и недопечени палачинки. А, за оваа цел може да се користи инфрацрвен термометар за проверка и квалитетни садови за готвење кои рамномерно ја распределуваат топлината по целата површина.
  • Состојките се бараат и подготвуваат додека трае процесот: Ненавременото подготвување на состојките предизвикува хаотичност и несмасност во готвењето. Порелаксирано е и помала е веројатноста да правите грешки додека се ви е подготвено навреме;
  • Рецептите не се проучуваат детално и до крај;
  • Не се месото не се остава да „одмори“ по готвењето: Сечењето на месото веднаш по готвењето предизвикува губење на течностите по чинијата.
  • Кујнските алатки во кујната не се квалитетни: Доколку ножевите не се соодветни за работа и не се доволно остри и со цврста конструкција се всушност опасни, особено за цврста храна, како кромид. Добриот нож лесно треба да пресече лист хартија, но не значи дека купувањето на квалитетен нож не бара одржување. Ножевите треба да се острат еднаш месечно, во зависност од употребата, со претходно чистење на сечилото;
  • Не се користи даска за сечење: Често луѓето избегнуваат девени даски за сечење затоа што мислат дека тие ги заробуваат бактериите, но тоа е сосем погрешно. Квалитетните дрвени даски се површински обработени со цел да не дозволат впивање на течностите од храната, а дополнителното одржување преку премачкување на чистите и суви даски со крпа натопена во масло дополнително ја зголемува безбедноста;

Безгрижен почеток на учебната година

Училишното ѕвонче денес го означи почетокот на учебната година, што претставува магичен момент како за првачињата кои ги очекува сосем ново искуство, така и за останатите кои со нетрпение ги очекуваат моментите на дружба, забава и стекнување на нови, корисни знаења и вештини.

Освен тоа, училиштето носи и бројни предизвици, од тоа што ни треба за успешен почеток на годината, до изборот на соодветните материјали за училишниот прибор, а во поново време со интеграцијата на дигиталните екрани во процесот на учење се наметнува и прашањето за тоа како да се заштитат детските очи од штетното влијаније на сината светлина која ја емитираат овие екрани. Но, тоа не се единствените грижи, тука е и топлото време кое дава нова потреба за хидратацијата на децата и нивната заштита од сончевите зраци.

Имајќи го сето тоа предвид, Kares On The Go на едно место ги собра решенијата на сите тие проблеми и тоа со помош на врвни брендови препознаени по нивниот квалитет низ целиот свет, што соодветствува на визијата на Kares за доближување на најдоброто до потрошувачите, се обидува да ви го олесни целосниот процес.

Така, децата може во кралството на „Книжарница без книги“ на Kares On The Go да го одберат најмодерниот училишен прибор од италијански дизајнери, надополнет со врвна изработка и неприкосновен квалитет со кои сигурно ќе бидат инспирирани да ги достигнат најголемите успеси. Во книжарница без книги ќе пронајдат се за успешна учебна година од моливи, пенкала и фломастери, до тетратки, бележници и дневници.

Но, значаен дел од успехот на секој ученик е и неговата среќа во која важно влијание има и здравјето. Токму затоа овозможете вашето дете да ги користи најиновативните и најбезбедните садови за пренос на храна и пијалоци каде ќе може да ја пренесува најздравата, домашна храна со проверено потекло и здрави напитоци, без шеќер и конзерванси приготвени во вашиот дом.

Затоа бидете релаксирани во подготовката за почетокот на учебната година со Kares On The Go и овозможете му на вашето дете магично искуство додека вие уживате во изборот на вашиот нов аксесоар.

Италијанско уредување

Италијанското уредување на поинакво ниво

Италијанско уредување на на ентериерот презентира ставови и чувство кое треба да се пренесе до учесниците во просторот. А, секое внатрешно уредување е од исклучително значење за презентирање на личниот стил. Исто таТоа навистина било сериозно разбрано од манастирот Камалдоли, сместен во прекрасната Тоскана, Италија, неодамна доживеал неверојатна реконструкција, особено во објектите стари и по неколку децении. Италијанско уредување како значајна активност била проследена со реновирање на манастирската библиотека во модерен и современ објект. Сепак, со задржани елементи од богатото културно наследство.

За оваа симболична и света реконстукција за да се пренесе италијанско уредување бил избран LAGO како партнер за внатрешно уредување заедно со архитектонското студио Менихети и Калдарели.

“За овој проект сакавме да го прикажеме чистиот простор, без никакви одвлекувања на вниманието. Визијата беше фокусирана исклучиво на формите во просторот, ставајќи ги во главен фокус. На самиот почеток се фокусиравме да ја пренесеме инспирацијата која ја добивме од целосниот манастир, каде формата и функцијата на совршено подредените елементи и декорација даваат неверојатна стимулација на чувството за движење и рефлекција“.

Постоечкиот распоред на просториите кој архитектите го опишуваат како лавиринт бил задржан. Лебдечките маси и модерните полици за книги дополнително го доловуваат несекојдневниот стил помешан со модернистички пристап и презентираат вистинско, модерно италијанско уредување.

Резултатот е иновативен ентериер на една ваква јавна површина од религиозен карактер. Тоа ги импресионира посетителите и го претставува неочекуваното.

Токму тие неочекувани уредувања во просторот ги свтува погледите и отвора можност за многу разговоти. Токму затоа, внесете и вие италијанско уредување и стил во вашиот дом со категоријата „Уредување“ од KARES:

Bella – вазна

1,990.00 ден2,990.00 ден

Crazy – рамка за слика

1,390.00 ден1,990.00 ден

Donna – вазна

5,103.00 ден

Extravaganza – сложувалка глобус

4,690.00 ден9,990.00 ден
Детски очила

Очила: Изберете квалитет за вашето дете

Детската игра започнува со првите зраци на сонцето и трае во текот на целиот ден. Во тој период децата се изложени на надворешните влијанија кои може да имаат навистина штетни последици врз здравјето. Родителите најчесто посветуваат внимание на заштитата на кожата која е изложена на сонцето, но не е реткост заштитата на очите да биде изоставена. Така, детски очила често се предмет на импулсивно купување и ретко се посветува внимание на нивниот квалитет. Фокусот е поставен на изгледот, а не на удобноста на рамките и видот на леќите, а најмалку на заштитата која ја нудат.

Оваа грешка може да овозможи сончевите зраци да влијаат на рожницата и макулата на окото при што може да се создадат анатомски и физиолошки аномалии.

Овие аномалии може да доведат до низа проблеми кај нежните детски очи. Имено, може да дојде до привремено губење на видот (најчесто делумно) кое се нормализира по соодветен одмор во темна просторија. Освен тоа, може да се предизвика зголемување на диоптерот или пак изгореници на ретината.

Кога правите избор за детски очила за заштита од сонце посветете внимание на следните карактеристики:

1. Квалитет на леќите

Посветете особено внимание на квалитетот на леќите на детските очила. Изберете леќи од препознатлив производител, со соодветна дебелина и без можност од дисторзија на сликата. Дополнително, заштитата која леќите ја нудат треба да биде верифицирана и во најмала мера UV400. Секоја дополнителна заштита е дополнителна бенефиција за здравјето на вашето дете.

2. Флексибилноста на рамките

Оваа карактеристика не изгледа како приоритет при купувањето, но може да донесе значајни бенефиции за вашето дете. Имено, флексибилните рамки придонесуваат во безбедноста и тоа при стапнување на детските очилата или при удар или пад додека вашето дете ги носи очилата. Овој пристап ќе оневозможи распрскување на цврсти и остри елементи од очилата.

3. Стил

Иако на родителот секогаш приоритетот е во заштитата, сепак визуелните и стилски барања на детето треба да бидат задоволени. Затоа, изберете детски очила со дизајн кои детето гордо ќе ги носи и ќе ги ужива сите нивни бенефиции.

Доколку не сте сигурни во вашиот избор постапете едноставно и правилно, изберете Nooz очила од сертифициран француски производител со долга традиција и истакнат квалитет.

 

Возење велосипед

Возење велосипед: Авантура со предизвици

Голем дел од летната сезона е пред нас, што едноставно значи: Повеќе време за возење велосипед. Но возењето велосипед доаѓа со бројни предизвици, вклучително и дехидрација што може да доведе до вртоглавица и намалени перформанси. Но, овие сосојби може да се презентираат и како сончаница и посериозни последици по здравјето.

Затоа проследете ги следните 4 совети за побезбедно возење на вашата следна авантура:

1. Прилагодете се полека

Најголема грешка која велосипедистите ја прават е неприлагодувањето на топлото време. Наместо да го започнете возењето попладне, обидете се тоа да го направите наутро. Возењето велосипед започнете го на пониска температура и полека прилагодете го телото за попладневните предизвици. Доколку сепак не сте во можност да пристапите кон возењето на тој начин може да се обидете да го загреете телото со одредени кардио вежби или со едноставни јога вежби кои ќе ги направите во топла просторија или сауна.

2. Заштитете се целосно

Не заборавајте пред возење велосипед да нанесете крема за заштита од сонце на секој дел од телото кој е директно изложен. Ова не е само заштита од изгореници, туку и го забрзува метаболизмот до мера што може да доведе до гадење и главоболки.

3. Хидрирајте се правилно

Неколку дена пред возење велосипед внесувајте повеќе течности од вообичаено. Пред самото возење внесете течност збогатена со електролити и не заборавајте да внесувате 10-12 mL течност на килограм телесна маса на секој 1 час од возењето.

4. Бидете подготвени за непогоди

Кога тргнувате на подолго возење велосипед не заборавајте да понесете алат кој може да ви е неопходен при појава на дефект. Дефектите освен проблеми со велосипедот може да нанесат потреба да морате да ја ограничите брзината на вашето возење со што ќе се изложите на штетните влијанија на сочевите зраци подолго време.

Хигиена во кујната: Цедачи за садови

Цедачите за садови се неизбежен елемент од секоја кујна. Иако, машините за миење садови кои во моментот се достапни имаат можност да понудат и комплетно сушење на садовите и приборот за јадење, не е реткост при помал обем на садови, да се измијат рачно, при што потребата за соодветен цедач повторно се појавува.

Цедачите на пазарот се најчесто достапни во иноксна и пластична варијанта, а доаѓаат во стандардни форми и големини и не се иновирани веќе долго време.

Токму поради тој застој во иновацијата кој може да се забележи на пазарот на овој производ се забележуваат бројни недостатоци, како мал капацитет, голема зафатнина во просторот,нефлексибилност при редењето на садови, фиксни отвори, неможност за исцедување на водата во моментот и најважното екстремно тешка достапност за одржување на хигиената.

Што се однесува до хигиената, цедачите кои ја задржуваат водата во садови кои мора виде да ги празните ви создаваат дополнителна обврска која доколку не се спроведе може да доведе до преполнување на садот за собирање и негово излевање и тоа додека сте надвор од домот. Понатаму, собраната вода доколку се задржи во садот неколку дена, садот ќе се налепи со бигор и неговото чистење ќе стане речиси невозможно. Водата ќе се контаминира со бактерии, ќе добие лигава конзистенција, а истовремено може да јави и лоша миризба.

Чистењето на овој тип цедачи најчесто треба да се спроведе со топла вода, сапун и интензивно триење, а зачестеноста на чистењето може да биде еднаш неделно, но отстранувањето на исцедокот мора да се спроведува дневно.

За разлика од стандардните производители на пазарот, застојот во иновирањето на цедачите за садови е прекинат од JosephJoseph. Имено, со големата палета на цедачи кои ја нудат, може да се пофалат со најдобрите карактеристики кои еден цедач за садови може да ги добие:

  • Отвор за исцедување на исцедокот
  • Флексибилни отвори за редење на садовите
  • Квалитетен, цврст и долготраен материјал на изработка
  • Дизајн кој се вклопува во сечија кујна
  • Намалена зафатнина, а поголем капацитет
  • Специјални карактеристики (флексибилност, растегливост, модуларност…)

Овие цедачи се мијат по потреба и тоа со вода и нежно средство, а за исцедокот од садовите повеќе не мора да се грижите затоа што се отстранува самостојно додека вие миете.

Силиконски садови: потреба или опасност

Силиконските садови за готвење поради својата флексибилност, практичност, леснотија на користење и одржување, како и забавните форми и бои во кои се достапни веќе подолго време се едни од најпопуларните предмети во кујната.

Но, имајќи предвид дека силиконот е синтетски создадена компонента сосем е легитимно прашањето: „Дали се тие безбедни?“.

Научните трудови објавени на оваа тема, како и Food and Drug Administration (FDA) ги дозволуваат за употреба, тврдејќи дека силиконот е инертен материјал кај кој нема опасност од миграција на хемикалии во храната. Сепак, честопати настанува забуна и силиконот кој се користи во садовите за готвење и малите кујнски алатки се споредува со пластика, иако пластиката претставува петрохемиска супстанца, додека силиконот е направен од кварц.

За да се започне процесот, од внимателно одбран песок, наменет за производство на вакви садови се изолира силика која пак се загрева до 1800˚C, при што се добива силикон. Добиениот силикон се лади и се меле додека не се добие ситен прав. Понатаму следи процес на кондензација на молекулите со цел добивање на долги, верижни молекули од „гумениот силикон“ кој го користиме во кујната и кој е безбеден за таков тип на употреба.

Сепак од исклучителна важност е да се посвети внимание при изборот на силиконските садови за готвење затоа што, иако сите силикони за таа намена се безбедни за употреба, се разликуваат во своите ограничувања. Имено, одредени производители не препорачуваат нивните силиконски садови да бидат изложени на високи температури, други пак да не бидат подложени на температури на мрзнење. Прекршувањата на правилата дадени од производителот може да доведе до уништување на самиот сад за готвење и крајно, несакана миграција на штетни компоненти во храната.

Затоа, изберете го најмодерниот тип на силиконски садови за готвење, изработени од единствениот платински силикон инкорпориран во сите производи од компанијата Lékué. Платинскиот силикон подлежи на дополнителен чекор во производството што го прави поцврст, пофлексибилен, подолготраен и најбезбеден за користење.

Летен аксесоар

Идеален летен аксесоар за оваа сезона

Оваа сезона се препорачува едноставен стил со малку детали, со фокус на комфорот и лесен, летен аксесоар. Едноставниот стил треба да биде надополнет со голема торба од мек материјал или мрежа која ќе ја акцентира лежерноста, но истовремено ќе ја задржи практичноста. Нема да биде реткост да се забележат мноштво на унисекс парчиња како правец во модата кој се повеќе добива на популарност.

Покрај лежерноста, сепак постојат неколку аксесоари кои остануваат задолжителни ова лето:

  • Добри очила за сонце

Епитетот „добри“ може да биде разбран во поширок контекст. Токму неговата сеопфатност треба да биде ваш фокус. Изберете очила кои пред се го заштитуваат вашиот вид и се направени од препознатлив производител. Од исклучителна важност е квалитетот на леќите да биде соодветен, а декларираната UV заштита вистинска. Стилот е исто така од голема важност со цел да се чувствувате комфортно и самоуверено. Се препорачува ова лето да изберете очила со едноставна, органска форма и доволна флексибилност да се прилагоди на вашиот лик.

  • Издржлив накит

Во текот на летото и одморите избегнувајте злато како летен аксесоар и тоа не само поради неговата вредност и опасноста од губење и кражби, туку затоа што го обременува стилот со формалност. Среброто е добар избор, но во контакт со вода материјалот потемнува при што е потребно професионално чистење. Затоа вашиот избор нека биде накит од не`рѓосувачки челик кои ќе ве следи во текот на целото лето.е пошле на вистинскиот стилски пат.

  • Чадор / кабаница

Не дозволувајте да бидете изненадени од временските непогоди и уживајте во вашето патување во целост.

Како надополнување на овие додатоци земете квлаитетен ремен направен од лесен, еколошки материјал. Но, што и да биде вашиот избор секогаш чувствувајте се природно, удобно и самоуверено. Така ќе бидете сигурни дека сте пошле на вистинскиот стилски пат.

Изберете паметно: 4 правила за очила за сонце

Во топлите летни денови постојат неколку аксесоари без кои што навистина не можеме. Освен заштитните креми од сончевите зраци, костимите за капење, еден од најзначајните аксесоари кој што служи не само во текот на летниот период туку и во текот на целата година се очилата за сонце. Доколку сè уште се немате одлучено за вистинските очила кои што ќе ги користите во најтоплите летни денови, размислете добро пред да го направите вашето следно купување.

1. Не ја компензирајте вашата безбедност со стилот и обратно

Доколку во вашето секојдневие користите очила со диоптер, изберете стилски и урбани очила за сонце со вашиот, соодветен диоптер, без притоа да се ограничувате во однос на стилот. Со Nooz ќе ги поместите границите на конзервативното, монотоното, стандардното и здодевното. Ќе се доживеете себе си како урбан номад, кој е во постојано движење.

2. Округли или коцкасти, изберете сами и бидете секогаш свои

Направете избор на очила кои совршено ќе одговараат на вашето лице, без разлика дали тоа се заоблени или очила со поостри рабови. Изборот нека ви биде очила со лесни и флексибилни рамки, но отпорни на пад, удар и безбедни за сместување во заден џеб.

3. Изберете очила со соодветна заштита

Од исклучителна важност е да посветите внимание при изборот на очила за сонце во однос на заштитата кои може да ви ја понудат. Неквалитетни леќи може да имаат негативни последици по здравјето на окото или безбедноста во движењето, доколку нивната изработка создава дисторзија во сликата.

Изборот треба да ви биде насочен кон квалитетни леќи кои несомнено ќе ви овозможат заштита од штетното UV влијание од сонцето, без притоа да влијаат на промена на сликата.

4. Усогласете го стилот со најмилите

Овозможете му го најдоброто на Вашето дете и заштитете го неговиот вид од штетните влијанија на сончевата светлина со очилата за сонце од Nooz, со најдобар квалитет на леќи и дизајн кој секое дете ќе го обожува. А, истовремено бидете неверојатно добро комбинирани со стилот и изгледајте совршено на секоја ваша прошетка.